العودة   منتديات انوثتك النسائية > ركن المنوعات > اخبار الفنانين

اخبار الفنانين احدث اخبار الفنانين اعمال واخبار النجوم الجديده الحصرية فى مصر والعالم العربى على انوثتك وبس


جميع كلمات اغانى نجاة الصغيرة


إضافة رد
 
أدوات الموضوع
قديم 2011-09-20, 02:58 PM   #1
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي جميع كلمات اغانى نجاة الصغيرة

جميع كلمات اغانى نجاة الصغيرة
دوارين


دوارين في الشوارع ... دوارين في الحارات
يا شبكهم ياللي ضايع ... من عنية سلامات
سلامات سلامات ... والله والله سلامات

**

يا أهل الهوى ندهتونا لحيكم ... وأهو جينا لحيكم ازيكم
ازيكم يا أهل الهوى ... ياللي سبتونا في الهوى
لفينا الطرقات وسألنا العمارات ... وعايزة في حي حبيبي ابات

**

و دوارين في الشوارع ... دوارين في الحارات
يا شبكهم ياللي ضايع ... من عنية سلامات
سلامات سلامات ... والله والله سلامات

**
طل من خلف الستاير يا قمر... انا وردة عايشة من ليلة سهر
يا وردة من ليلة سهر ... يا عايشة في ضي القمر
حنينا للسعات وسابتنا الحكايات... وعمري في حبك عدى وفات

**
دوارين في الشوارع ... دوارين في الحارات
يا شبكهم ياللي ضايع ... من عنية سلامات
سلامات سلامات ... والله والله سلامات
دوارين ... دوارين ... دوارين

**


شوفى يا قمر ايضا هذه المواضيع المميزة المتعلقه بموضوع بحثك
:

تقييم الموضوع


♥_It's Me_♥ غير متواجد حالياً   رد مع اقتباس
قديم 2011-09-20, 03:01 PM   #2
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي


إلا انت




إلا انت ...
فيها ايه الدنيا دية ... إلا انت؟ ... كل غالي يهون عليا ... إلا انت

وابتساماتي وآهاتي منك انت ... واللي حبيته في حياتي هو انت

فيها ايه الدنيا إلا انت؟

**

طول مانت جنبي روحي وقلبي ... في دنيا تانية ملهاش وجود
وإن غبت عني ... أحس اني لا ليا دنيا ولا وجود
إيه حياتي كلها من غيرك انت ؟... زكرياتي فيها ايه حلو إلا انت؟
إلا انت...

**


و اللي بسهر له ليلاتي برضه انت... واللي حبيته في حياتي هو انت
فيها ايه الدنيا إلا انت؟
عشت أيامي وأحلامي في حبك ... كل آمالي أعيش العمر جنبك
كل ثانية في عمري بتقولك بحبك ... كل قلبي لك ياريت ليه مكان في قلبك
طول ليلي ونهاري معاك ... يابشوفك يابستناك ... يابدور عليك وألقاك
إلا انت ...

**

فيها ايه الدنيا دية ... إلا انت؟ ... كل غالي يهون عليا ... إلا انت
وابتساماتي وآهاتي منك انت ... واللي حبيته في حياتي هو انت
فيها ايه الدنيا إلا انت؟


**

قصص الحب
قصص الحب الجميلة ... أكيد ناقصها قصة
وبين كل الأغاني ... غنوة حب ناقصة
عارفة وما تقولش انت ... ان انا وانت... إحنا الغنوة اللي ناقصة
وهنبقى احلى غنوة ... في قصص الحب الجميلة


**

بينا شطين وبحر ... اسمه بحر الخجل
هنعديه بعد شهر هنعديه بعد دهر ... على مركب الأمل
وساعتها راح نتغنا ...نملى كل الأغاني
وساعتها الشعرة منا ... يستلهموا المعاني
عارفة وما تقولش انت ... ان انا وانت... إحنا الغنوة اللي ناقصة
وهنبقى احلى غنوة ... في قصص الحب الجميلة


**

بيني وبين عيونك ... مواعيد ما خدنهاش
بيني وبين عيونك ... حاجات ما قصدنهاش
بحلم وأصحى الاقي ... الحلم ما انتهاش
منين جاية الأغاني منين؟ ... واحنا ما قصدنهاش
امتى عرفناها واحنا ... عمرنا ما سمعنهاش؟
ياريت ما تقولش امتى ... وازاي انا وانت
هنبقى اسطورة ... بين كل العاشقين
تعشقنا في الصورة ... ألوان الرسامين


**





















حبك حياتي



يا حبيبي لا انا ولا انت ولا حد تاني ... في النار رماني
يا حبيبي حاولت انسى وحاولت تنسى ... ورجعنا تاني
يا حبيبي ده الحب عذاب ... وحبك حياتي
طال ليلي وسواده شاب ... بدموعي وآهاتي
عقلي احتار ليل ونهار ... ياما خدني ووداني



**



أحلى كلمة ...
أحلى كلمة حب قالتها شافيفي ... هي اسمك
احلى صورة....
أحلى صورة حب باستها عنية ... هي صورتك
حتى ناري حتى غيرتي ... وانشغالي بيك وحيرتي
كل ده يا حبيبي حلو ... اكمنه منك حلو
يا حبيبي ده الحب عذاب ... وحبك حياتي
طال ليلي وسواده شاب ... بدموعي وآهاتي
عقلي احتار ليل ونهار ... ياما خدني ووداني


**


حاضر ولا غايب ولا ناسي ... مش هنساك
ظالم ولا حنين ولا قاسي ... قلبي معاك
يا امل بكرة ... يا احلى زكرياتي
يا حبيب قلبي ... يا عمري يا حياتي
لاانا بحكي ولا بشكي
يا حبيبي ده الحب عذاب ... وحبك حياتي
طال ليلي وسواده شاب ... بدموعي وآهاتي
عقلي احتار ليل ونهار ... ياما خدني ووداني


*



♥_It's Me_♥ غير متواجد حالياً   رد مع اقتباس
قديم 2011-09-20, 03:04 PM   #3
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي

آه لو تعرف




آه لو تعرف يا حبيب قلبي ... وانت معايا بحس بإيه
خلي شوية لبكرة يا قلبي ... الحب ده ماقدرش عليه

بص في قلبي يا عيون قلبي ... شوف كام حاجة بتتمناك
فرحة وشوق وأماني كبيرة ... وليالي حب بتستناك
بحبك حب خلاني بخاف ... من فرحتي جنبك
يشوفها حد يحسدها ويحسدني ... على حبك

**

وبحبك حب يا ويلي منه ... مسهرني محيرني وروحي فيه
وبحبك حب يا ويلي ... مدوبني وحبيته وخدت عليه
آه لو تعرف يا حبيب قلبي ... وانت معايا بحس بإيه
خلي شوية لبكرة يا قلبي ... الحب ده ماقدرش عليه

**

يا اغلى حاجة ليا ... وليا مين غير قلبك انت؟
يا اجمل حاجة فيا ... وفيا ايه غير حبك إنت؟
شفايفي لما أجيب سيرتك ... بيحلو الكلام فيهم
عنية كل ما بشوفك ... بحب اسهر لياليهم
من يوم ما عرفتك ... والدنيا لها طعم جديد
والجنة اللي بيحكوا عنها ... مابقتش بعيد
من يوم ما عرفتك ...

**

كل غنوة حب ... فيها حاجة منك
كل نسمة فجر ... بتكلمني عنك
كل شئ بيهون ... عليا مادام بحبك
آه لو تعرف يا حبيب قلبي ... وانت معايا بحس بإيه
خلي شوية لبكرة يا قلبي ... الحب ده ماقدرش عليه


**


نسي




نسي ... نسي ... نسي ... آآآه نسي ... والله نسي
يا خسارة نسي ... والله نسي
وبعتلي سلامه مع مرسال ... وياريت المرسال كان راخر نسي
عنواني ومكاني ... ودق على باب تاني
يا ريته نسي ... كان راخر نسي
ولا جابلي الكلمة دية ... دي العشرة صعبانة عليا

**

يا خسارة نسي ... آآآه والله نسي
إن السلام ولا الكلام ... مالهمش طعم ... إلا منه هو ... هو بس
وإن عمري ما حسيت بشوق ... ولا قلبي دق إلا لما أشوفه هو ... هو بس
وإن عمري ما ارتاح في ليلة ... ولا أفرح إلا لما يجيني هو ... هو بس

**
يا خسارة نسي ... والله نسي
وبعتلي سلامه مع مرسال ... وياريت المرسال كان راخر نسي
عنواني ومكاني ... ودق على باب تاني
يا ريته نسي ... كان راخر نسي
ولا جابلي الكلمة دية ... دي العشرة صعبانة عليا



**
نسي ... والله نسي ... يا خسارة نسي ... إزاي حبيبي يهون عليك ... دمعي أنا
نسي ... والله نسي ... يا خسارة نسي ... تبقى حبيبي ... وتسبني من غيرك هنا
نسي ... والله نسي ... يا خسارة نسي ... إن النهاردة كان عيد ميلاد ... لحبنا


**

نسي ... والله نسي ... يا خسارة نسي ... زي النهاردة اتولد ... طفل الهوى في قلبنا
اتولد وكبر ولسة في سنسن الشباب ... والنهاردة عيني عليه مالحزن شاب

**

يا خسارة نسي ... والله نسي
وبعتلي سلامه مع مرسال ... وياريت المرسال كان راخر نسي
عنواني ومكاني ... ودق على باب تاني
يا ريته نسي ... كان راخر نسي
ولا جابلي الكلمة دية ... دي العشرة صعبانة عليا

**



♥_It's Me_♥ غير متواجد حالياً   رد مع اقتباس
قديم 2011-09-20, 03:06 PM   #4
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي


أنا بعشق البحر


انا بعشق البحر ...
زيك يا حبيبي حنون ... وساعات زيك مجنون
ومهاجر ومسافر ... وساعات زيك حيران
وساعات زيك زعلان ... وساعات مليان بالصبر
أنا بعشق البحر...


**


أنا بعشق السما...
علشان زيك مسامحة ... مزروعة نجوم وفرحة
وحبيبة وغريبة ... وعشان زيك بعيدة
وساعات زيك قريبة ... بعيون متنغمة
أنا بعشق السما...


**


أنابعشق الطريق...
لأنه فيه لقانا ... وفرحنا وشقانا
وأصحابنا وشبابنا ...وفيه ضحكة دموعنا
وفيه بكيت شموعنا ... وضاع فيه الصديق
أنا بعشق الطريق...


**


أنا بعشق البحر... وبعشق السما ... وبعشق الطريق
لإنهم حياه ... وأنت يا حبيبي ... انت كل الحياة


**



فاكرة



فاكرة؟ انا ناسية وفاكرة ... حبه بقى ماضي وذكرى
يعني عندي يا دوب فكرة ... لكن خلينا في بكرة

آه على اللي بتمناه ... ياه على اللي بتمناه
آه على اللي بستناه ... ياه على اللي بتمناه
ده كدة أهو ... انا عمري هيبتدي وياه
انا عاوزة أطير مع حب كبير ... أكبر بكتير من كل غرام عرفوه الناس
وأعيش وأنا غيره ماليش ... وفي قلبي مافيش أكتر مالحب ومالاحساس
أنسى روحي معاه ... وألقاه لحياتي حياة

**

فاكرة؟ انا ناسية وفاكرة ... حبه بقى ماضي وذكرى
يعني عندي يا دوب فكرة ... لكن خلينا في بكرة

آه على اللي بتمناه ... ياه على اللي بتمناه
آه على اللي بستناه ... ياه على اللي بتمناه
ده كدة أهو ... انا عمري هيبتدي وياه
انا عاوزة أطير مع حب كبير ... أكبر بكتير من كل غرام عرفوه الناس

**

وأعيش وأنا غيره ماليش ... وفي قلبي مافيش أكتر مالحب ومالاحساس
أنسى روحي معاه ... وألقاه لحياتي حياة

أيوة آدي كل آمالي ... حلوة وأجمل في خيالي
يعني لاء دي حكاية تانية ... هو أحلى ما في الدنيا


**

أهلاً بالحب يا أهلاً بيه ... وبهنا لياليه
وبفرحه وبجرحه ... وبكل مافيه
ماهو لولا الحب نعيش على إيه ... ولا نعيش ليه؟؟
و اليوم في الايد ... ولا عمر بعيد
ماهو اصل الحب مالوش مواعيد
ومافيش يا سلام ... زي الأحلام
ومافيش يا سلام ... زي الأيام
ساعة مانخاف ... إزاي؟ ... بغرام
أنسى روحي معاه ... وألقاه لحياتي حياة

فاكرة؟ انا ناسية وفاكرة ... حبه بقى ماضي وذكرى
يعني عندي يا دوب فكرة ... لكن خلينا في بكرة

**



♥_It's Me_♥ غير متواجد حالياً   رد مع اقتباس
قديم 2011-09-20, 03:07 PM   #5
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي

بحلم معاك



بحلم معاك بسفينة وبموجة ترسينا ... ونبحر تاني

الريح تعاند وألاقيك في عينيك وإيديك ... شطي وأماني

العالم كله بأسراره عايش ويايا ...


**


عايش جوايا طول مانت في الرحة معايا

اسمك واسمي يا حبيبي ... مدينتي وحكايتي ...سكني وترحالي


**
العالم كله بأسراره عايش ويايا ...

عايش جوايا طول مانت في الرحلة معايا


**



♥_It's Me_♥ غير متواجد حالياً   رد مع اقتباس
قديم 2011-09-20, 03:08 PM   #6
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي

ليه خلتني احبك



ليه خلتني احبك؟ ... لا تلومني ولا أعاتبك
فين أهرب من حبك؟ ... روح منك لله
بدموعي الحيرانة ... وعيوني السهرانة
أدعيلك آه يانا ... روح منك لله؟

**
كان حبك عذاب وقسية ... وهواني مابعده هوان
لو كان الغرام بإيدية ... ماكنش جرى اللي كان
يا خاين مالكش أمان ... ورتني العذاب ألوان
ليه ؟؟ ليه ؟؟

**
ليه خلتني احبك؟ ... لا تلومني ولا أعاتبك
فين أهرب من حبك؟ ... روح منك لله
بدموعي الحيرانة ... وعيوني السهرانة
أدعيلك آه يانا ... روح منك لله؟


**

بكتني في ليلة عيدي ... يا خسارة غرامي فيك
وطفيت شمعتي بتنهيدي ... ودعيت ربنا يهديك
نستني ابتسامة فرحي ... ورتني مرارة جرحي
ليه ؟؟ ليه ؟؟

**
ليه خلتني احبك؟ ... لا تلومني ولا أعاتبك
فين أهرب من حبك؟ ... روح منك لله
بدموعي الحيرانة ... وعيوني السهرانة
أدعيلك آه يانا ... روح منك لله؟

**
ياما غيري هيشرب كاس ... سقيتولي سنين بإيديك
والحب الجميل احساس ... يا ريته يمر عليك
أنا وحدي اللي ليا فيه ... وانا وحدي فضلت أقاسيه

**
ليه ؟؟ ليه ؟؟
ليه خلتني احبك؟ ... لا تلومني ولا أعاتبك
فين أهرب من حبك؟ ... روح منك لله
بدموعي الحيرانة ... وعيوني السهرانة
أدعيلك آه يانا ... روح منك لله؟





♥_It's Me_♥ غير متواجد حالياً   رد مع اقتباس
قديم 2011-09-20, 03:11 PM   #7
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي

لا تكذبي



لا تكذبي اني رأيتكما معا ... فدعي البكاء لقد كرِهتُ الادمعا
ما اهون الدمع الجسور إذا جرى ... من عين كاذبةٍ فأنكر وادعى

**

اني رأيتكما اني سمعتكما
عيناك في عينيه في شفتيه في كفيه في قدمه
ويداكِ ضارعتان تترتعِشان ... من لهفٍ عليه
تتحديان الصمت بالقبلاتِ ... تنزعني بصوتٍ من لهيب
بالهمسِ باللمسِ بالآهاتِ... بالنظراتِ باللفتاتِ بالصمت الرهيب

**

ويشب في قلبي حريق ... ويضيع من قدمي الطريق
وتُطلُ من رأسي الظنونُ تلومُني ... وتشُدُ أذني فلطالما باركةُ كذبكِ كله
ولعنتُ ظني ... فلطالما باركةُ كذبَكِ كله
ماذا اقولُ لأدمُعٍ ... سفحتها أشواقي إليكِ
ماذا أقولُ لأضلُعٍ مزقتها ... خوفاً عليكِ
أقول هانت، أقول خانت ... أقولُها لو قلتُها أشفي غليلي

**

يا ويلتي لا ... لن ان اقولَ انا فقولي
كوني كما تبغينَ ... لكن لن تكوني
فأنا صنعتك من هوايا ومن جنوني
ولقد برءة من الهوى ومن الجنوني

**


إلا فراق الأحباب




ولا يصعب على قلبي وعيني ... إلا فراق الأحباب

ولا شوق الدنيا يكفيني لو نور ... لياليكم غاب
مهما تعبنا وتغربنا ... والدنيا يا ناس دارت بينا
ما يريحنا غير حبايبنا ... ولا ليلة تفوت من ليلينا
نتحمل لوم عتاب ... إلا فراق الأحباب


**



لو كنتوا قدرتوا على بعادنا ... والله ماحناش قادرين
ولا كل الدنيا تعوضنا عنكم ...يا اغلى الغاليين
طول مانتم بعيد مش حولينا... وعد عينا ومكتوب
لا قمر بينور ليالينا ... ولا شمس تدفي قلوب
صعبة الايام كده من غركم ... هنا ولا هناك
هنا ولا هناك ليه من غيركم ...صعبة الايام
ياللي اتعودنا على هواكم ... اتعودنا
ليه الايام ليه وخداكم ...ليه وبعدنا
إلا فراق الاحباب


**


ولا يصعب على قلبي وعيني ... إلا فراق الأحباب
ولا شوق الدنيا يكفيني لو نور ... لياليكم غاب

سهرانة قلوبنا بتستنى ... وتعبنا من الاشواق
سهرانة
سهرانة العين وبتتمنى ... مايطولش ما بنا فراق
سهرانة
ولا طعم الدنيا بيحللنا ... ولا فيها جديد
ومنين هنجيب راحة بلنا ... طول منتك بعيد
ياللي اتعودنا على هواكم ... اتعودنا
ليه الايام ليه وخداكم ...ليه وبعدنا
إلا فراق الاحباب


**

ولا يصعب على قلبي وعيني ... إلا فراق الأحباب
ولا شوق الدنيا يكفيني لو نور ... لياليكم غاب
ما يريحنا غير حبايبنا ... ولا ليلة تفوت من ليلينا
نتحمل لوم عتاب ... إلا فراق الأحباب



**




يا مسافر وحدك


يا مسافر وحدك و فايتني ... ليه تبعد عني وتشغلني
ودعني من غير ما تسلم ... وكفاية قلبي انا مسلم
دي عنية دموعها بتتكلم
يا مسافر وحدك وفايتني ... ليه تبعد عني وتشغلني
على نار الشوق انا هستنى ... واصبر قلبي واتمنى
على بال ما تجيني ... وأتهنى
طمعني بقربك آه واوعدني

**

يامسافر وحدك وفايتني ... ليه تبعد عني وتشغلني
خايف للغربة تحلى لك ... والبعد يغير احوالك
خليني دايما على بالك
يامسافر وحدك وفايتني ... ليه تبعد عني وتشغلني
مهما كان بعدك هيطول ... انا قلبي عمره ما يتحول
هفتكرك اكتر مالاول
بس انت ايام تبقى فاكرني
يامسافر وحدك وفايتني ... ليه تبعد عني وتشغلني

**



طول عمري احبك




طول عمري احبك واشكي لك ... واشكي للعمة وللخالة
حرمت اقابلك واحكيلك ... ده غرامك خلاني في حالة
ولا لا لا لا لالا

**
اشمعنى انا قلبي بيسأل ... على قلبك ولا تسألشي
واشمعنى كمان انت بتتقل ... وأنا احبك ولا أتقلش
زودت الغيرة ... خلتني في حيرة
ناسيتني وجودي ... وبتنسى عهودي
وابعتلك في الصبح رسالة ... وابعتلك في العصر رسالة
ولا لا لا لا لالا

**
طول عمري احبك واشكي لك ... واشكي للعمة وللخالة
حرمت اقابلك واحكيلك ... ده غرامك خلاني في حالة
لا لا لا لا لالا

**

بتفوت الساعة ورى التانية ... استنى تجيني ولا تجيش
علشانك حبيت الدنيا ... وازاي من غيرك انا اعيش
ليه دايما تنسى ... ليه بس بتقسى
ده مش اسمه كلام ... يا ناسيني حرام
في غرامك ياما قلت قوالة ... ودموعي مالعين سيالة
لا لا لا لا لالا

**
طول عمري احبك واشكي لك ... واشكي للعمة وللخالة
حرمت اقابلك واحكيلك ... ده غرامك خلاني في حالة
لا لا لا لا لالا

**

الكلمة الحلوة اشيهالك ... علشان تقابلني واقولهالك
ولا يوم خلتني اشغل بالك ... ولا عاوز تحرمني خيالك
وانا اعمل ايه ... بس اعمل ايه
في عنية بصونك ... مش هاين اخونك
والناس في كلامهم عمالة ... والشكوة في قلبي منشالة
لا لا لا لا لالا

**



شكل تاني





شكل تاني حبك انت ... شكل تاني

حب غالي ... حب ناره مدوباني
حتى لما بتنسى مرة ... وتعاتبني بكلمة مُرة
العتاب المُر برضه ... له حلاوة شكل تاني
حبك انت

**

خوفوني من هواك ... قبل ما احبك ... خوفوني
قاله يا ويله ... اللي يسكن جنب قلبك ... قاله يا ويله
قلت هو ده ... اللي ناره مخوفاني
هو ده ... اللي قلبه يبقى شكل تاني
حتى لما بتنسى مرة ... وتعاتبني بكلمة مُرة
العتاب المُر برضه ... له حلاوة شكل تاني
حبك انت

**

السنين فاتت وانا ... مش دارية بيها
من حنانك والهنا ... اللي بيجري فيها
والساعات وياك ...بتجري في ثواني
كل ثانية لها دقة شكل تاني
حتى لما بتنسى مرة ... وتعاتبني بكلمة مُرة
العتاب المُر برضه ... له حلاوة شكل تاني
حبك انت

**

مرة واحدة قاسيت وداريت ... غصب عني
من سكوتي كنت حاسة ... انك سامعني
من حنانك من جمالك ... يومها وانت بتصالحني
كنت عاوزة اقولك ... قوم خاصمني
مش بقولك ...
حبك انت شكل تاني ... حب غالي حب ناره مدوباني
حتى لما بتنسى مرة ... وتعاتبني بكلمة مُرة
العتاب المُر برضه ... له حلاوة شكل تاني
حبك انت

**







انا خالي



انا خالي يا ليالي ... انا خالي
لا بفكر ولا بسهر ... ولا حدش على بالي
انا خالي يا ليالي ... انا خالي



**


الليل ما سهرتوش ابداً... والشوق ما عرفتوش ابداً
ولا أبات مشغول ولا ليل بيطول
وإن كان لي حبيب ... يبقى لي عزول
انا خالي يا ليالي ... انا خالي



**

الليل ما سهرتوش ابداً... والشوق ما عرفتوش ابداً
ولا دمعة بكيتها ... ولا كلمة شكتها
غير فرحة قلبي ... هي اللي حكيتها
انا خالي يا ليالي ... انا خالي



**

الليل ما سهرتوش ابداً ... والشوق ما عرفتوش ابداً
ده زمان كنت بقول كده ... دلوقتي بقول غير كدة
حبك غيرني وحيرني ... حبك صحاني وسهرني
انا خالي يا ليالي ... انا خالي


**








♥_It's Me_♥ غير متواجد حالياً   رد مع اقتباس
قديم 2011-09-20, 03:13 PM   #8
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي



عطشان يا أسمراني


عطشان يا اسمراني محبة ... عطشان يا أسمراني

إملى لي الاناني محبة ... إملى لي الأناني
يا نيل يا أسمراني ... يا نيل يا أسمراني
يا اعز الحبايب يا اسمر ... عطشان والهوى عطشان
شرباتك يا ورد وسكر ... اسقيني كمان وكمان
اسقيني علطول ... ولا تسأل في عزول
اسقيني وانا اقول

**

يا نيل يا أسمراني ... يا نيل يا أسمراني
عطشان يا اسمراني محبة ... عطشان يا أسمراني
إملى لي الاناني محبة ... إملى لي الأناني
يا نيل يا أسمراني ... يا نيل يا أسمراني
يا مالي وجاي يمتنا ... ومعاك الهوى بيميل
اسقيني على محبتنا ... قدام العزول يا جميل
اسقيني علطول ... ولا تسأل في عزول
اسقيني وانا اقول

**

يا نيل يا أسمراني ... يا نيل يا أسمراني
عطشان يا اسمراني محبة ... عطشان يا أسمراني
إملى لي الاناني محبة ... إملى لي الأناني
يا نيل يا أسمراني ... يا نيل يا أسمراني
يا جاي مالعلالي محبة ... عطشان يا أسمراني عطشان
يا ساقي الأحبة محبة ... املالي الاناني إملالي
اسقيني علطول ... ولا تسأل في عزول
اسقيني وانا اقول

**

يا نيل يا أسمراني ... يا نيل يا أسمراني
عطشان يا اسمراني محبة ... عطشان يا أسمراني
إملى لي الاناني محبة ... إملى لي الأناني
يا نيل يا أسمراني ... يا نيل يا أسمراني

**



إنت اللي ظالم


انت اللي ظالم مش أنا ... هتبكي ليه؟؟
حيرت قلبي كام سنة ... والعمر إيه؟؟
إنت اللي ظالم


**


كام مرة قلبك صدني ... ورجعت تاني تودني
أصبر عشان بتحبني ... ألاقيك تقولي ظالمتني
والليل وسهدي وشكوتي ... وأماني ضاية في دنيتي
دول كل حظي وقسمتي ... وبرضه صابر عالضنة
إنت اللي ظالم


**

انت اللي ظالم مش أنا ... هتبكي ليه؟؟
حيرت قلبي كام سنة ... والعمر إيه؟؟
إنت اللي ظالم

**



دموعي لو بتحبها ... هخلي عيني تعزها
عمرك ما شايف منها ... إلا هناها وفرحها
وقلبي ده اللي محيره ... بكرة القساوة تغيره
ينساك ومهما تفكره ... هيقولك انسى عهدنا
انت اللي ظالم

**

انت اللي ظالم مش أنا ... هتبكي ليه؟؟
حيرت قلبي كام سنة ... والعمر إيه؟؟
إنت اللي ظالم

**






♥_It's Me_♥ غير متواجد حالياً   رد مع اقتباس
قديم 2011-09-20, 03:15 PM   #9
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي


لو بتحبني



لو بتحبني أو بتعزني ... صالحتني بإيه خاصمتني بإيه


يا حبيبي هواك خلاني بحال ... وتقول أنساك قال
محتار وأياك بعتاب وملام ... بس لما القاك أنا ليا كلام
صالحتني بإيه خاصمتني بإيه
لو بتحبني أو بتعزني ... صالحتني بإيه خاصمتني بإيه



**

انت الغلطان ... وتلومني كمان
ليه كنت بزمان ... غير كدة بزمان
دي سنين وأيام ... عشرة وغرام
تنساها وأوام ... بقى ده أسمه كلام
صالحتني بإيه خاصمتني بإيه
لو بتحبني أو بتعزني ... صالحتني بإيه خاصمتني بإيه



**

فين حبك فين ... وعهود قلبين
كتبوها اتنين ... بدموع العين
بقى بعد جفاك ... وعذابي معاك
أتمنى رضاك ... ولا أترجاك
صالحتني بإيه خاصمتني بإيه
لو بتحبني أو بتعزني ... صالحتني بإيه خاصمتني بإيه
لو بتحبني أو بتعزني



**









مش ممكن أسامحك



روح مش ممكن أسامحك أبداً... عاللي عملته في قلبي

كل طبيب بيشوفه يقولي ... مين كان قالك حبي
حظي كدة وياك ... قسمتي كدة في هواك
روح مش ممكن أسامحك


**



روح وانساني ... عذابي في بعدك أرحم ليا
دمعة عيني تمنها غرامي ... وأغلى شوية
يوم ما هيرخص دمع عنية ... عزة نفسي هتبكي عليا
ازاي اشكي اليك ... وانا مجروحة بإيديك؟؟
حظي كدة وياك ... قسمتي كدة في هواك
روح مش ممكن أسامحك



**

ياللي سقتني مرار الحب... وذله في يوم
مين كان قالك ... إن الحب عذاب وهموم
وإزاي بس الحب يدوم ؟؟... مابيني وبينك وانا مظلوم
ياللي عذابي رضاك ... سيبتك وأنا بهواك
حظي كدة وياك ... قسمتي كدة في هواك
روح مش ممكن اسامحك



**

آه يا حبيبي ياللي فايتني ... مابين نارين
نار في دموعي ونار في ضلوعي ... وأروح على فين
أنا هلاقيها منين ومنين ... حيرة قلبي ودمعة عين
مهما قاسيت المر ... أهي ايام وتمر
حظي كدة وياك ... قسمتي كدة في هواك
روح مش ممكن اسامحك


**



وحياة اللي فات






كل شئ راح وانقضى ... واللي بنا خلاص مضى

بس وحياة اللي فات ... واللي اصبح زكريات

عمري ما حبيت ولا اتمنيت ... غيرك انت يا حبيبي




**

أيوة وحياة اللي كان بنا وراح ... واللي مش قادرة اصدق انه راح
عمري ما انشغلت عنك ... حتى لما زعلت منك
غصب عني ... قلبي خدني وراح يصلحك
غصب عني ... قلبي فاتني وراح سامحك
بس وحياة اللي فات ... واللي اصبح زكريات
عمري ما حبيت ولا اتمنيت ... غيرك انت يا حبيبي



**


أيوة وحياة اللي كان بنا وضاع...واللي ما اعرف كان لقى ولا وداع
قلبي كان وياك في بعدك ... زي ما كان لك في قربك
بكرة تندم ... لاء يا رب في يوم ماتندم
حب وافرح ... بس اوعى تاني تجرح
بس وحياة اللي فات ... واللي اصبح زكريات
عمري ما حبيت ولا اتمنيت ... غيرك انت يا حبيبي


**




عيون القلب




عيون القلب ... سهرانة ما بتنامشي
لنا صاحية ولا نايمة ... ما بقدرشي
يبات الليل ...يبات سهران على رمشي
وأنا رمشي ما داق النوم ... وهو عيونه تشبع نوم
روح يا نوم من عين حبيبي
روح يا نوم

**

حبيبي آه من حبيبي ... عليه احلى ابتسامة
لما بتضحك عيونه ... بقول يللا السلامة
لما يسلم عليا ... ولا يقولي كلام
عايزة ورا كل كلمة ... أقوله يا سلام
ده قالي في يوم ... يا حبيبتي خدي القمر
وروحت معاه وما اداني ... إلا السهر
وأنا رمشي ما داق النوم ... وهو عيونه تشبع نوم
روح يا نوم من عين حبيبي
روح يا نوم

**

تقولي كلام وأفرح بيه ... انا افرح بيه
أسيب النوم وأفكر فيه ... أنا أفكر فيه
إنت تقول وتمشي ... وأنا أسهر ما أنمشي
ياللي ما بتسهرشي ... ليلة يا حبيبي
سهرني حبيبي ... حبك يا حبيبي
بكتب عالليالي ... اسمك يا حبيبي
ده قالي في يوم ... يا حبيبتي خدي القمر
وروحت معاه وما اداني ... إلا السهر
وأنا رمشي ما داق النوم ... وهو عيونه تشبع نوم
روح يا نوم من عين حبيبي
روح يا نوم

**

حبيتك يا حبيبي ... من غير ما اسأل سؤال
وهسهر يا حبيبي ... مهما طال المطال
أنا بس اللي محيرني ... ما خلنيش انام
إزاي انا بقدر اسهر ... وزاي بتقدر تنام
وأقوله حبيبي ... كل ما فيك حبيبي
وحلو ... صوتك حلو ... قلبك حلو
وحتى لما تتعبني وأسهرلك ... سهرك حلو
ده قالي في يوم ... يا حبيبتي خدي القمر
وروحت معاه وما اداني ... إلا السهر
وأنا رمشي ما داق النوم ... وهو عيونه تشبع نوم
روح يا نوم من عين حبيبي
روح يا نوم


**



عيش معايا


يا حياة عمري بقالي عمر ... يوم ما جمعني بيك
عمر غالي يغلى اكتر ... يوم ما يقدر يفتديك

عيش معايا يا حبيبي عيش معايا ... إنت والحب وهنايا

مهما عشنا يا حبيبي ... عمر واحد مش كفايا

يا حبيبي مين أنا... انا مين ... ولا انت مين ولا احنا فين

إحنا أهو بتحب روح ... للحب يا روح الروح للشوق للحنين

عيش معايا بعيد عن الدنيا ... عيش معايا بعيد عن كل عين

**
ده الهوى والحب والاشواق ... علشانا مخلوقين

عايزة اعيش ويالك ... سنين موصولة طويلة

عايزة اكون فرحة تلاقيها ... في دنيا افراحها قليلة

تنسى زيي كل شئ ... إلا الهوى وناره الجميلة

عيش معايا يا حبيبي عيش معايا ... إنت والحب وهنايا

مهما عشنا يا حبيبي ... عمر واحد مش كفايا

يا ابتسامة عمر ... عاش العمر يحلم بإبتسامة

يا ما صورلي الامل في هواك ... نعيم في الحب ياما

الحب خلقني يا روح قلبي ... وياك من تاني

**
الحب معاك ... بجناح وردي عالسما مشاني

روحي تعالى ... مفيش أماني محالة ... تعالى

ده كل يوم له فرحة ... وكل يوم له حالة... تعالى

عطشان لعنيك يا حبيب قلبي ... عطشان لعنيك

اشرب والا أشبع ... من ليلهم ولا من لياليك

عيش معايا يا حبيبي عيش معايا ... إنت والحب وهنايا

مهما عشنا يا حبيبي ... عمر واحد مش كفايا

**














♥_It's Me_♥ غير متواجد حالياً   رد مع اقتباس
قديم 2011-09-20, 03:17 PM   #10
الادارة
 
تاريخ التسجيل: Sep 2010
المشاركات: 7,729
♥_It's Me_♥ is on a distinguished road
افتراضي


حمدلله ع السلامة


حمد لله ع السلامة ... يا ابو اجمل ابتسامة
ياما دقيت في بعدك ... على باب الصبر ياما
ياما استنيت وحيدة ... وانت في بلاد بعيدة
ما توصلهاش ملامة
قرب قرب قرب ... قرب عليا قرب
يا قلبي يا متغرب
واطير حواليك واحوم ... واطير الهموم
عطش السنين بحاله ... ترويه انت في يوم
قرب قرب قرب ... قرب عليا قرب
يا قلبي يا متغرب
جانا القمر الليلة ... وسهرنا عشانه ياما
حمدلله ع السلامة


**


بلاش البعد تاني ... تغيب عن عيني تاني
بلاش تغيب عن عيني تاني
كإنك طير مهاجر بعيد ... ونسيت مكاني


لما الزمان جمعنا ... اصبح للدنيا معنى
وإذا اتفرقنا يدبل ... في الدنيا كل معنى
ورد الاشواق صحي ... يا روحي فتحي
وانتي يا طيور يا عالية ... بجناحك لوحي


**


قرب قرب قرب ... قرب عليا قرب
يا قلبي يا متغرب
واطير حواليك واحوم ... واطير الهموم
عطش السنين بحاله ... ترويه انت في يوم
قرب قرب قرب ... قرب عليا قرب
يا قلبي يا متغرب
جانا القمر الليلة ... وسهرنا عشانه ياما
حمدلله ع السلامة



**








أما براوة



أما براوة براوة ... اما براوة
دوار حبيبي طراوة ... آخر طراوة


قــُلة حبيبي ملانة ... وعطشانة يانا
اروحله ولا اروح ... اشرب حدانا
أروحله ولا أروح ... وبلاش شقاوة
أما براوة براوة ... على الشقاوة
أما براوة براوة ... اما براوة
دوار حبيبي طراوة ... آخر طراوة


**

حبيبي لما لقاني ... مريت قــُباله
شال طرف شالي وسقاني... وطرف شاله
طرفلي عيني يا عيني ... بس بهداوة
أما براوة براوة ... على الهداوة
أما براوة براوة ... اما براوة
دوار حبيبي طراوة ... آخر طراوة


**

ياناس لموني لموني ... ما ترحموني
احب لوم العوازل ... لما يلوموني
وانا وحبيبي يا عيني ... حلوين حلاوة
اما براوة براوة ... على الحلاوة
أما براوة براوة ... اما براوة
دوار حبيبي طراوة ... آخر طراوة


**

بحلم واغني لحبيبي ... وفين حبيبي
ماليش حبايب يا عيني ... وانا ونصيبي
يمكن زماني يصلحني ... بعد العداوة
وأقول ياليلي يا عيني ... اما براوة
أما براوة براوة ... اما براوة
دوار حبيبي طراوة ... آخر طراوة


**


استناني


يا قلبي طير في الهوى ... واهدي حبيبي سلام


اللي حرمنا وداعه ... وفاتنا للأوهام

وقوله هو اللي بنا ... حب ولا كلام
وحلفه بكل غالي ... يروح ويرجع قوام


ناديت عليه ... لا رد ولا صدى
ناديت ناديت ... وغلبت من طول الندى

**


استناني استناني ... استناني ... هي دقيقة كتير علشاني
استنيتك عمري بحاله ... مش قادر تستنى ثواني

وانت حبيبي ... استناني

كنت هقولك ... ما تسبنيش للشوق والحيرة وخوفي عليك

خايفة عليك يا حبيبي ...

وابقى ابعتلي كلمة تهدي شوقي ... وتطمن قلبي عليك

قلبي عليك يا حبيبي...

كنت هتسمع دمع عنية ... يقولك ما تغيبش عليا

كان هقولك لمس ايدية ... فكر فيا وفكر فيا

ناديت ناديت ... ما سمعت غير صوتي انا

ياريت ما جيت ... ولا قلبي كان جابني هنا

دنيا غريبة عليا ... وانت بعيد عن عنيا

وآه لو عرفت اللي فيا ... تبكي معايا عليا

استناني استناني ... استناني ... هي دقيقة كتير علشاني

استنيتك عمري بحاله ... مش قادر تستنى ثواني

وانت حبيبي ... استناني

**


يا واخد الدنيا الحلوة معاك ... ياه ياخوفي تنسى الدنيا هناك
وفين اروح وحدي... ودمعي على خدي

لا كلمة حلوة في ودني ... ولا وداعك في حضني

دنيا غريبة عليا ... وانت بعيد عن عنيا

وآه لو عرفت اللي فيا ... تبكي معايا عليا

استناني استناني ... استناني ... هي دقيقة كتير علشاني

استنيتك عمري بحاله ... مش قادر تستنى ثواني

وانت حبيبي ... استناني




**










♥_It's Me_♥ غير متواجد حالياً   رد مع اقتباس
إضافة رد

الكلمات الدلالية (Tags)
الصغيرة, اغانى, جميع, نجاة, كلمات

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are معطلة
Refbacks are معطلة



الساعة الآن 06:44 AM.


Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.1
الخفجي

جميع المشاركات تمثل وجهة نظر كاتبتها وليس بالضرورة وجهة نظر الموقع